Allah Ke 99 Naam - Wazifa Quran Hadees By Ayesha Naz

  Al-Aziz ka Matlab, Fazilat, Wazifa aur Barkat Allah Taala ke 99 Asma-ul-Husna me se ek bohat hi pyara naam Al-Aziz hai. Al-Aziz ka matlab hai "Sab par Ghalib, Zabardast aur Izzat Dene Wala". Yani wo zaat jo har cheez par ghalib hai, jise koi hara nahi sakta aur sari izzatein usi ke paas hain. Quran Pak me Al-Aziz ka zikr 92 martaba aaya hai. Aksar Allah ne apne aap ko Al-Aziz-ul-Hakeem kaha hai, matlab wo zabardast bhi hai aur hikmat wala bhi hai. Al-Aziz ki Fazilat aur Fayde: 1. Izzat aur Martaba Me Izafa: Jo shakhs rozana 40 din tak 40 martaba "Ya Aziz" parhta hai, Allah Taala usko logon me izzatdar bana deta hai. Log uski izzat karne lagte hain aur uska martaba buland hota hai. 2. Dushman Se Hifazat: Agar kisi ko dushman se khatra ho ya koi zalim tang kar raha ho, to rozana 41 martaba Ya Aziz parh kar dushman ki taraf dum karne se Allah usko dushman ke shar se mehfooz rakhta hai. 3. Ghurbat aur Muflisi Khatam: Jo shakhs gharibi se tang ho, wo Isha ki namaz ke b...

  Ar-Rahman ka Matlab, Fazilat aur Wazifa Allah Taala ke 99 muqaddas naamo me se pehla naam Ar-Rahman hai. Ar-Rahman ka matlab hai "Bara Meherban". Ye Allah ki be-inteha rehmat ko zahir karta hai jo duniya ki tamam makhlooq ke liye hai, chahe wo musalman ho ya ghair musalman. Ar-Rahman ka zikr Quran Pak me 57 martaba aaya hai. Surah Rahman to mukammal isi naam se hai, jisme Allah ne apni nematon ka zikr kiya hai. Ar-Rahman ki Fazilat: 1. Dil ki Sakhti Door Hoti Hai: Jo shakhs rozana subah 100 martaba Ya Rahmanu parhta hai, Allah uske dil se ghaflat, sakhti aur gussa door kar deta hai. 2. Rizq me Barkat: Jo shakhs har namaz ke baad 100 baar Ya Rahman ka wird karta hai, Allah uske rizq me be-panah barkat ata farmata hai. 3. Mushkilat Asan Hoti Hain: Agar koi shakhs kisi badi mushkil me phansa ho aur 300 baar Ya Rahmanu parh kar dua kare, to Allah uski mushkil ko asan kar deta hai. 4. Maa-Baap ki Mohabbat: Agar koi bacha apne maa-baap ka na-farman ho, to uske sar par haath rakh ...

  Surah Taubah Ki Fazilat - سورة التوبة Assalam-o-Alaikum! Surah Taubah Quran Pak ki 9th Surah hai. Isme 129 Ayat hain. Fazilat: 1- Tauba Qabool Hoti Hai: Is Surah ke parhne se Allah sachi tauba qabool karta hai. 2- Har Mushkil Ka Hal: Iski akhri 2 ayat Laqad Jaa Akum Fajr ke baad 7 bar parho, Allah har gham door karega. 3- Rizq Me Barkat: Rozana parhne se rizq me barkat hoti hai. 4- Munafiqo Se Hifazat: Ye Surah munafiq ke shar se bachati hai. @AllahKe99Naam-ayesh

 Al-Musawwir Allah Taala ka  pyara naam hai. Al-Musawwir ka matlab hai "Soorat Banane Wala". Allah ne har insan ki soorat alag banayi, koi bhi do insan ek jaise nahi. Allah jaisa chahta hai waisi soorat banata hai. Quran me hai ke Allah hi Musawwir hai. Fazilat: Jo aurat be-aulaad ho, agar 7 din tak roza rakhe aur iftar ke waqt 100 bar "Ya Musawwiru" parh kar pani par dam karke piye, to Allah usko naik aulaad dega. Jo shakhs rozana 100 bar Ya Musawwiru parhega, Allah uske dil ko roshan kar dega. Is naam ka zikr karne se insan ko apni paidaish par ghaur karne ka mauqa milta hai.

 Al-Bari Allah Taala ka pyara naam hai. Al-Bari ka matlab hai "Har Cheez Ko Behtareen Paida Karne Wala". Al-Khaliq paida karne wala hai, aur Al-Bari us cheez ko behtareen surat me banane wala hai. Fazilat: Jo aurat be-aulaad ho aur 7 din tak rozana 100 bar "Ya Bariyo" parhe, Allah usko naik aulaad dega. Jo shakhs rozana 100 bar Ya Bariyo parhega, Allah usko qabar ke azab se bachayega. Is naam ka wird karne se kaam me aasani paida hoti hai.

 Al-Khaliq Allah Taala ka pyara naam hai. Al-Khaliq ka matlab hai "Paida Karne Wala". Allah ne har cheez ko paida kiya, zameen, aasman, insan, janwar, sab kuch Allah ne banaya hai. Koi bhi cheez Allah ke bina nahi ban sakti. Quran me hai - Allah hi sab ka Khaliq hai. Fazilat: Jo shakhs rozana 100 bar "Ya Khaliqo" parhega, Allah uske chehre ko roshan kar dega. Jo shakhs is naam ka wird raat ko kare, Allah usko naik kaam karne ki taufeeq dega. Agar koi shakhs is naam ko 7 din tak rozana 100 bar parhe, to uski mushkilaat khatam ho jayengi.

 Al-Mutakabbir Allah Taala ka 10wan pyara naam hai. Al-Mutakabbir ka matlab hai "Bohat Baraai Wala" aur "Azmat Wala". Allah hi asal me sab se bada hai, tamam badi usi ke liye hai. Wo har takabbur se paak hai. Fazilat: Jo shakhs rozana 100 bar "Ya Mutakabbiru" parhega, Allah usko izzat aur rutba dega. Jo shakhs is naam ka wird subah ke waqt kare, Allah usko naik aulaad ata karega. Is naam ka zikr karne se dil me Allah ki azmat paida hoti hai aur takabbur khatam hota hai.

 Al-Jabbar Allah Taala ka pyara naam hai. Al-Jabbar ka matlab hai "Zabardast" aur "Toote Huon Ko Jodne Wala". Allah ki qudrat sab se zabardast hai, koi uske faisle ko rok nahi sakta. Aur wo toote hue dilon ko jodta hai, kamzoron ko taqat deta hai. Quran me hai ke wo hi Al-Jabbar hai. Fazilat: Jo shakhs rozana 100 bar "Ya Jabbaru" parhega, Allah usko zalimon ke zulm se bachayega. Jo shakhs kisi mushkil me ho aur 100 bar Ya Jabbaru parhe, Allah uski mushkil ko aasan kar dega aur uske dil ko mazboot kar dega. Agar koi shakhs is naam ka wird karta rahe, to Allah usko logon me izzat aur rutba dega.

 As-Salam Allah ka naam hai. As-Salam ka matlab hai "Salamti Dene Wala". Allah har aib se salamat hai aur apne bando ko bhi salamti deta hai. Jannat ko Darus-Salam kaha jata hai kyunki wahan sirf salamti hai. Quran me hai ke Allah salamti wale ghar (Jannat) ki taraf bulata hai. Fazilat: Jo shakhs rozana 100 bar "Ya Salamu" parhega, Allah usko har bimari aur pareshani se mehfooz rakhega. Agar koi beemar hai to 100 bar Ya Salamu parh kar us par dam kare, Allah shifa dega. Is wazife se dil ko sukoon milta hai.

 Al-Quddus Allah Taala ka chautha naam hai. Al-Quddus ka matlab hai "Har Aib se Paak". Allah har burai, kami aur aib se paak hai. Wo nihayat paak zaat hai. Fazilat: Jo shakhs rozana 100 bar "Ya Quddusu" parhega, Allah uske dil ko noor se bhar dega aur gunahon se paak kar dega. Agar koi safar me Ya Quddusu parhta rahe to khairiyat se wapis ayega. Is naam ka zikr karne se dil saaf hota hai aur pareshaniyan door hoti hain.

 Al-Malik Allah Taala ka teesra naam hai. Al-Malik ka matlab hai "Haqeeqi Badshah". Duniya ke badshahon ki badshahi khatam ho jati hai, lekin Allah ki badshahi hamesha rehne wali hai. Zameen aur aasman ka malik sirf Allah hai. Quran Pak me hai: "Kah do ke Aye Allah! Badshahi ke malik!" Fazilat: 1. Jo shakhs subah fajar ke baad "Ya Maliku" 100 bar parhega, Allah usko ameeri ata karega aur mohtaji door hogi. 2. Jo koi Ya Maliku ka kasrat se zikr kare, Allah usko logon me izzat wala bana deta hai. 3. Is wazife se dil me Allah ki badshahi ka yaqeen paida hota hai. Is liye humein chahiye ke hum Ya Maliku ka wird rozana kiya karein.

 Ar-Raheem Allah Taala ka dosra pyara naam hai. Ar-Raheem ka matlab hai "Nihayat Reham Karne Wala". Allah ki Rehmat bohat wasee hai. Agar banda gunah karke sache dil se toba kar le to Allah apni Raheem sifat se usko maaf kar deta hai. Quran Pak me Allah farmata hai ke wo Raheem hai aur toba karne walo ko pasand karta hai. Fazilat aur Wazifa: 1. Jo shakhs rozana 100 bar "Ya Raheemu" parhega, Allah usko har museebat aur dushman se bachayega. 2. Agar kisi ko neend na aati ho to sone se pehle 21 bar Ya Raheemu parh kar so jaye, InshaAllah sukoon ki neend ayegi. 3. Ya Raheemu ka wird karne se dil naram hota hai aur Allah ki mohabbat barhti hai. Humein chahiye ke hum rozana is naam ka zikr kiya karein.